Cymerwch amser i adlewyrchu, cwrdd â chydweithwyr o bob cwr o Gymru a dod o hyd i ysbrydoliaeth ym mhrosiectau eich gilydd drwy sesiynau rhyngweithiol byr. Byddwn hefyd yn rhoi diweddariad ar gronfeydd y Ganolfan ar gyfer 2025.
Bydd y sesiynau hanner awr o hyd yn cynnwys pob math o bynciau, megis, cyrraedd cydweithrediadau cymunedol gwledig gyda TAPE, blaenoriaethu cynhwysiant gyda Hijinx ac ymgysylltu â chymunedau newydd gyda Watch-Africa. Siaradwyr eraill i’w cadarnhau.
Gallwch gyrraedd Maesteg ar drên, fws neu mewn car. Os fyddwch yn teithio mewn car, rydym yn annog pobl i ystyried eu hallyriadau carbon ac i rannu cerbydau lle fo’n bosib ac / neu ystyried gwrthbwyso carbon.
*Mae hwn yn ddigwyddiad ecsgliwsif ar gyfer aelodau Canolfan Ffilm Cymru ac aelodau o Ganolfannau Ffilm ledled y DU. Os nag ydych chi’n aelod, gallwch ymuno yma.
Edrychwn ymlaen at eich gweld chi!
Cefnogaeth Bwrsari ac Aelodaeth
Ein cyfarfod rheolaidd i arddangoswyr siarad am y ffilmiau diweddaraf sydd â chysylltiadau Cymreig, cwrdd â dosbarthwyr, gwneuthurwyr ffilm a chael gwybod am asedau GYNg.
Darllenwch fwy am ein strategaeth Gwnaethpwyd yng Nghymru yma.
Digwyddiadau i Ddod...
Mae ein Dyddiau Rhagolwg yn cynnwys dangosiadau o ffilmiau a grëwyd yng Nghymru, ffilmiau Cymraeg eu hiaith a ffilmiau archif Cymreig sydd ar y gorwel, sydd wedi'u cynllunio i gefnogi rhaglennu'n ehangach a chyrhaeddiad ffilmiau sydd â chysylltiadau Cymreig.
Mae'r digwyddiadau yn arbennig i aelodau Canolfan Ffilm Cymru ac aelodau o Ganolfannau Ffilm ledled y DU. Rydym yn darparu pecynnau gwybodaeth i bawb sy'n mynychu, ac yn cynnig cyfleoedd i rwydweithio mewn gwanhaol ganolfannau ledled y wlad. Gall Canolfan Ffilm Cymru hefyd gynnig cyllid tuag at warantu lleiafswm, marchnata a / neu gyfrannu tuag at gostau digwyddiad lle fo talent ar gael.
Caiff digwyddiadau pellach eu hamserlennu yn unol ag argaeledd ffilmiau newydd a byddwn yn nodi manylion isod.
Rydyn ni’n creu amser i siarad am ffilmiau!
Ymunwch â ni ar-lein ar gyfer ein cyfarfodydd rhaglennu chwarterol lle byddwn yn siarad am ddetholiad o ffilmiau annibynnol a rhyngwladol newydd gorau Prydain.
Cynhelir y sesiynau gan y curadur Rachel Pronger. Bydd awgrymiadau ffilm ar gyfer eich rhaglen sydd i ddod, a chael amser i sgwrsio gyda chyfoedion am y ffilmiau rydych chi’n edrych ymlaen at eu gweld a darganfod ffilmiau y byddech fel arall yn eu colli. Byddwn hefyd yn trafod sut i raglennu a marchnata’r ffilmiau.
Bydd y sesiynau hyn yn rhedeg bob chwarter i'ch cefnogi gyda datblygiad cynulleidfa gydol y flwyddyn. Mae croeso i arddangoswyr o bob math – byddwn yn archwilio’r ffordd orau o wneud y sesiynau’n ddefnyddiol i bawb.
Ynglŷn â Rachel
Mae Rachel Pronger yn guradur, ysgrifennwr ac ymgynghorydd rhaglen. Cychwynnodd ei gyrfa yn gweithio ym maes cyfathrebu i Ŵyl Ffilmiau Llundain y BFI, Picturehouse Cinemas a Chanolfan Ffilm yr Alban, cyn symud i faes rhaglennu yn Alchemy Film & Arts, Tyneside Cinema, Sheffield DocFest ac Aesthetica Short Film Festival. Fel cyd-sylfaenydd cymundod ffilm ffeminist Invisible Women, mae Rachel wedi cyd-guradu rhaglenni a chynnal digwyddiadau ar gyfer partneriaid megis BFI Southbank, Cinema Rediscovered, Eye Filmmuseum Amsterdam, BalkanCanKino Athens, HOME Manceinion a Glasgow Film Theatre. Mae ei gwaith ysgrifenedig am ffilm wedi cael ei gyhoeddi gan gwmnïau megis Sight & Sound, The Guardian, MUBI Notebook, Little White Lies a BBC Culture. Mae hi hefyd yn rheolaidd yn cadeirio sesiynau holi ac ateb, paneli a gweithdai sy’n ffocysu ar ffeministiaeth, archifo a hanes ffilm.
Digwyddiadau i Ddod...
Dim digwyddiadau.
