Beth ydyn ni'n ei ystyried yn ffilm Gymreig?
Treftadaeth y Sgrin
- Ffilmiau nodwedd, ffilmiau byrion a rhaglenni dogfen a wnaed yn broffesiynol y mae eu hawliau yn cael eu dal gan archifau sgrin, e.e. The Life and Times of David Lloyd George (1918) neu ffilmiau amatur a gedwir mewn casgliadau personol.
Ffilmiau Nodwedd, Ffilmiau Dogfen a Ffilmiau Byrion
- Yn cynnwys talent ffilm o Gymru (cyfarwyddwr/ cynhyrchydd/ ysgrifennwr/ prif gast) e.e. ffilmiau'r cyfarwyddwr Rungano Nyoni,
- Wedi'i wneud gan gwmnïau cynhyrchu neu wneuthurwyr ffilmiau sy'n weithgar yng Nghymru (gan gynnwys y rhai a wneir gyda chyllid gan asiantaeth Cymru neu'r Llywodraeth) e.e. H is for Hawk.
- Wedi'i lleoli yng Nghymru, neu sy'n delio â straeon, digwyddiadau neu bobl Cymru e.e. Ti. Ffilmiau yn y Gymraeg e.e. Effi o Blaenau,
- Wedi'i lleoli yng Nghymru neu'n ymdrin â chymeriadau, digwyddiadau neu sefyllfaoedd Cymreig (go iawn neu ddychmygol). e.e. Madfabulous.
Pam rydyn ni'n gwneud y gwaith hwn?
Credwn fod Cymru yn cael ei gweld pan fydd ffilm Gymreig yn cael ei gweld. Mae'n bwysig buddsoddi nid yn unig mewn gwneud ffilm ond yn y mecanweithiau marchnata, arddangos a dosbarthu sy'n galluogi ffilm i gyrraedd ei chynulleidfa.
Pam Canolfan Ffilm Cymru (CFfC)?
Mae CFfC yn brosiect llawer mwy a dim ond un elfen o'n gwaith yw GYNg. Rydym yn rhan o rwydwaith ledled y DU o wyth canolfan a ariennir gan Sefydliad Ffilm Prydain (BFI) sy'n ffurfio'r Rhwydwaith Cynulleidfa Ffilm (RhCFf), gyda Chapter wedi'i benodi'n 'Sefydliad Arweiniol yr Hyb Ffilm' (SAHFf) yng Nghymru.
Ein gwaith ni yw ariannu, hyfforddi a chynghori sefydliadau sy'n dangos ffilmiau, o wyliau ffilmiau i gymdeithasau a chanolfannau celfyddydau cymysg. Gan weithio gyda dros 260 o arddangoswyr o Gymru,, ein nod yw dod â'r ffilmiau gorau o’r DU (gan gynnwys Cymru) a Rhyngwladol i bob cynulleidfa ledled Cymru a'r DU.
Allwch chi helpu i ariannu fy ffilm?
Nid ydym yn gallu cynnig cymorth ariannol ar gyfer cynhyrchu, datblygu neu ddosbarthu ffilmiau, gan gynnwys premierés ffilmiau. Gweler partneriaid defnyddiol eraill isod.
Allwch chi hyrwyddo'r cyllido torfol ar gyfer fy ffilm?
Gallwn rannu ar ein straeon cymdeithasol, os yw'r ffilm yn berthnasol i'n haelodau.
Allwch chi ddosbarthu fy ffilm?
Ni all CFfC ddosbarthu eich ffilm yn gorfforol gan nad dyma yw ein cylch gwaith. Gallwn ychwanegu gwerth at yr ymgyrch ryddhau a gallwn rannu'ch ffilm gydag arddangoswyr. Rydym yn eu hannog i archebu'n uniongyrchol trwy eich cyswllt archebu.
Allwch chi fy helpu gyda lleoliadau, criw neu wasanaethau cynhyrchu eraill?
Nid ydym yn gweithio ar ddatblygu neu gynhyrchu ffilm, yn hytrach rydym yn gweithio ar ochr cynulleidfa’r gadwyn ffilmiau. Os oes angen rhywun arnoch i ddarllen eich sgript, i'ch cysylltu â thalent neu griw gwneud ffilmiau eraill, neu i ddod o hyd i leoliadau ar gyfer ffilmio, mae hyn y tu allan i'n cylch gwaith. Gweler partneriaid defnyddiol eraill isod am gysylltiadau perthnasol.
Allwch chi roi manylion cyswllt sinemâu yng Nghymru i mi?
Rydym yn gweithio gyda rhwydwaith fawr iawn o sinemâu ac, am resymau diogelu data, ni allwn ryddhau rhestrau cyswllt. Gallwn rannu gwybodaeth am eich ffilm â sinemâu a'u hannog i gysylltu â chi. Gallwch hefyd weld arddangoswyr ar ein map.
Pryd ddylwn i anfon gwybodaeth atoch am fy ffilm?
Mae llawer o sinemâu yn rhaglennu tri mis ymlaen llaw (a gall sinemâu cymunedol fod yn chwe mis ymlaen llaw), felly mae derbyn y wybodaeth hon mewn da bryd yn bwysig. Croesewir clipiau byrion, clipiau a marcwyr dyddiadur ymlaen llaw, hyd yn oed os bydd dyddiadau rhyddhau yn newid, gan fod y pethau yma’n helpu i adeiladu cyffro ymhlith rhaglenwyr a chynulleidfaoedd.
Un sgrin sydd gan lawer o sinemâu yng Nghymru, sy'n golygu bod ffilmiau Cymreig yn rhannu gofod gyda theatr, sinema prif ffrwd a llogi allanol. Mae hwn yn rheswm da arall i rannu gwybodaeth ymlaen llaw, i gael eich ffilm yn eu calendr.
Beth os nad ydw i'n clywed gan y sinemâu?
Mae galw am ffilmiau Cymreig gan arddangoswyr ond cofiwch yn aml ddim ond un person sydd ganddyn nhw sy'n gweithio ar y rhaglen. Gall y person hwn hefyd fod yn Rheolwr Cyffredinol, yn Farchnatwr a gweithredwr Blaen Tŷ, ac mae'n rhaid i rai ymateb i gannoedd o geisiadau am archebion ffilm bob mis. Byddwch yn amyneddgar os nad ydyn nhw'n dod yn ôl atoch ar unwaith.
A allaf ddod yn aelod o CFfC?
Sefydlwyd CFfC i gefnogi'r sector arddangos ffilm yng Nghymru. Mae ein haelodaeth a'n cefnogaeth ariannol yn agored i sinemâu, canolfannau celfyddydol, canolfannau cymunedol, cymdeithasau a sefydliadau eraill sy'n dangos ffilmiau i gynulleidfaoedd. Os ydych chi'n wneuthurwr ffilmiau, dosbarthwr neu ymarferydd ffilm arall, nid ydych yn gymwys i aelodaeth CFfC ond rydym bob amser yn hapus i siarad am sut y gallwn helpu.
Ydych chi'n cefnogi ffilmiau newydd yn unig?
Rydym yn annog aelodau i archebu ffilmiau nodwedd, ffilmiau byrion ac archifau Cymreig o bob degawd! Mae ein catalog Gwnaethpwyd yng Nghymru yn cynnwys manylion archebu ar gyfer ystod eang o ffilmiau Cymreig, ac rydym yn cefnogi aelodau yn rheolaidd gyda thymhorau ffilmiau Cymreig.
Allwch chi fy helpu i sicrhau gwyliau, asiant gwerthu neu ddosbarthwr?
Mae hyn y tu allan i'n cylch gwaith ond gallwn gynnig cyngor i wneuthurwyr ffilmiau sy'n hunan-ddosbarthu neu'ch dosbarthwr ynglŷn â gwneud y mwyaf o gyrhaeddiad yng Nghymru. Gweler ein tudalen Gwyliau Ffilmiau Rhyngwladol Blynyddol am ragor o wybodaeth ynglŷn â gwyliau.
Allwch chi greu asedau marchnata ar gyfer fy ffilm?
Dim ond ar gyfer nifer fach o ffilmiau nodwedd y gallwn greu asedau bob blwyddyn. Mae gennym arian ar gyfer rheolwr prosiect Gwnaethpwyd yng Nghymru am ddau ddiwrnod yr wythnos, felly mae llawer o'r hyn rydyn ni'n ei wneud mewn nwyddau ac mae angen cefnogaeth ar lawer o ffilmiau. Rydym yn adolygu pethau megis cryfder y cysylltiad Cymreig, lefel y diddordeb / adborth gan sinemâu wrth benderfynu pa lefel o gefnogaeth y gallwn ei gynnig. Er na allwn gynnig asedau ar gyfer pob ffilm, gallwn drafod yr ystafell rhagolwg, catalog ffilm a phostio i arddangoswyr. Rydym hefyd yn eirioli'n rheolaidd dros fwy o gefnogaeth i'r gwaith hwn yng Nghymru.
Ble alla i ddod o hyd i'r asedau rydych chi wedi'u gwneud o'r blaen?
Dewch o hyd i'n podlediadau, erthyglau golygyddol, sianeli cymdeithasol a mwy ar ein LinkTree, yn ogystal â'n huchafbwyntiau blynyddol.
