9 Hydref 2024
Os ydych chi’n gobeithio llenwi’ch calendr gyda ffilmiau Cymreig ac eistedd o flaen y sgrin fawr mewn sinema glyd, mae gennym ni restr o ffilmiau i chi dros y gaeaf hwn.
Mae 2024 eisoes wedi bod yn flwyddyn brysur i ffilmiau gyda chysylltiadau Cymreig. Eleni rhyddhawyd ffilmiau dramatig megis The Almond and the Seahorse, Unicorns and Chuck Chuck Baby, a’r animeiddiad epig; Kensuke’s Kingdom. Roedd cyfweliad Gwnaethpwyd yng Nghymru arbennig ar gael i bob un i gyflwyno’r cysylltiadau Cymreig i gynulleidfaoedd.
Mae hyd yn oed fwy ar y gweill i ni eu mwynhau, gan gychwyn gyda Timestalker, sydd yn cael ei rhyddhau 11 Hydrefed. Mae’r cyfarwyddwr Alice Lowe yn creu siwrnai carmig, doniol, sydd weithiau’n dreisgar, sy’n dilyn yr arwres anlwcus, Agnes, sy’n ailymgnawdoli ar ôl ailadrodd yr un camgymeriad: sef cwympo mewn cariad gyda’r dyn anghywir. Mae gan y ffilm nifer o gysylltiadau Cymreig, o’r cynhyrchydd, Vaughan Sivell, i’r actor Aneurin Barnard, a ffilmiwyd ar gyfer cyfweliad Gwnaethpwyd yng Nghymru’r wythnos yma. Fe’i ffilmiwyd yng Nghaerdydd a Thŷ Penpont yn Aberhonddu.
Esbonia’r Cynhyrchydd, y Cymro Vaughan Sivell:
Ers fy ffilm gyntaf, Third Star, rydyn ni wedi llwyddo i ffilmio nifer o’n ffilmiau’n rhannol gartref yng Nghymru, ond yn yr achos yma, fe lwyddon ni ffilmio Timestalker yn ei gyfanrwydd yng Nghymru. Bannau Brycheiniog oedd Ucheldiroedd yr Alban, Tŷ Penpont oedd Lloegr Sioraidd a Bae Caerdydd oedd Efrog Newydd y 1980au! Roedd y criw o Gymry yn rhagorol, ac fe gawsom ni amser anhygoel. Dw i’n edrych ymlaen yn fawr i gynulleidfaoedd lleol weld y ffilm ar y sgrin fawr.
Fis Tachwedd, mae gennym ni ddwy ffilm ddogfen sydd â themâu o bwys rhyngwladol. Yn gyntaf, India’s 1st Best Trans Model Agency, gan y cyfarwyddwr sy’n byw yn Sir Benfro, Ila Mehrotra, a ddaw i’r sgrin fawr 11 Tachwedd, yn ystod Wythnos Ymwybyddiaeth Pobl Drawsryweddol. Mae’r siwrnai emosiynol yma a ffilmiwyd ar hyd saith blynedd, yn dilyn stori hynod Rudrani Chettri, ei ffrindiau a’r gymuned drawsryweddol yn Delhi wrth iddynt greu asiantaeth modelau traws cyntaf India. Mae’r ffilm yn edrych ar gymhlethdod ‘trydydd rhywedd’ India, sef Hijra, lle mae gwerthoedd traddodiadol a hawliau dynol yn gwrthdaro. Daw’r ffilm â straeon cyfarwydd o gariad a cholled, gobaith a thlodi, harddwch, swyn a gogoniant y catwalk.
On November 22nd, the multi award winning O R Tambo’s Comrade Tambo’s London Recruits ei rhyddhau i gynulleidfa ehangach mewn sinemâu, drwy’r hyn y mae’r trefnwyr yn ei alw’n ‘Rhyddhad y Bobl’. Mae’r ffilm, a ddisgrifiwyd gan Variety fel 'ffilm ddogfen gyffrous sy’n eich cadw chi ar flaen eich sedd‘, wedi’i gosod ar anterth apartheid yn y chwedegau hwyr / saithdegau cynnar. Mae grŵp o actifyddion dosbarth gweithiol, gwrth-hiliol yn Llundain ateb galw cyfrinachol Oliver Tambo am asiantiaid cudd i ddod â gobaith i’w bobl ddiobaith yn Ne Affrica. Mae’r rhyddhad yn cael ei drefnu mewn partneriaeth â’r mudiad Undeb Masnach ac mewn cydsafiad â’r sefydliad o Dde Affrica, ACTSA, mewn ymateb i derfysgoedd hil ledled y DU. Bydd sgwrs banel allweddol yn dilyn y ffilm, i drafod sut y gall bob un ohonom gyfrannu at Brydain wrth-hiliol.
Esbonia’r Cyfarwyddwr, y Cymro Gordon Main pam fod rhyddhau ffilmiau megis Comrade Tambo’s London Recruits mor bwysig:
Gydag adain dde eofn ar ein strydoedd unwaith eto, mae’r ffilm yma’n cynnig dewis arall pwerus, gwrth-hiliol i gasineb. Fe fentrodd y London Recruits eu rhyddid er mwyn creu byd gwell. Maen nhw’n ysbrydoliaeth. Wedi’i ffilmio yng Nghymru a De Affrica, mae’r ffilm yn gydweithrediad balch rhwng Cymru a De Affrica. Mae’n arddangos talent a lleoliadau arbennig yn y ddau le, ac yn rhan o sgwrs artistig a diwylliannol ehangach, sy’n gweld partneriaethau creadigol Cymreig / Affricanaidd yn hollbwysig ar gyfer Cymru ddiwylliannol iachus, rhyngwladol, sy’n edrych allan.
Mae’r ail ffilm gan y Cyfarwyddwr Sambiaidd Cymreig, Rungano Nyoni: On Becoming a Guinea Fowl hefyd yn uchafbwynt ar y gorwel. Mae’r ffilm yn dilyn Shula wrth iddi yrru ar hyd ffordd wag yng nghanol y nos a darganfod corff ei hewythr annwyl Fred. Wrth i drefniadau’r angladd ddwyn ffrwyth o’u hamgylch, mae Shula a’i chefndryd yn taflu goleuni ar gyfrinachau eu teulu Sambiaidd dosbarth canol. Cadwch lygad barcud am ddyddiad rhyddhau, a gyhoeddir yn fuan.
Gall y rheiny sy’n hoff o ffilmiau gwaedlyd hefyd edrych ymlaen at y ffilm uchelgeisiol, fychan ei chyllideb, Scopohobia gan y cyfarwyddwr ac ysgrifennwr o Gymru, Aled Owen yr Hydref hwn, yn ogystal â Protein am lofrudd cyfresol sy’n byw a bod yn y gampfa, a ddaw cyn bo hir gan dîm o gynhyrchwyr o Gymru, Craig Russell, Tom Gripper a Dan Bailey. Crëwyd y ddwy ffilm yn ninas Abertawe a’i chyffiniau. Gall gynulleidfaoedd hefyd barhau i fwynhau dangosiadau o’r ffilm arswyd gwerinol Prydeinig, Starve Acre, sy’n serennu’r actorion o Gymru, Morfydd Clark ac Erin Richards.
Hana Lewis, Rheolwr Canolfan Ffilm Cymru’n esbonio sut fydd y prosiect Gwnaethpwyd yng Nghymru’n cefnogi’r ffilmiau hyn wrth iddynt gael ei rhyddhau:
Drwy ein prosiect Gwnaethpwyd yng Nghymru, rydyn ni’n cydweithio’n agos gyda’r rheiny sy’n dal hawlfraint y ffilmiau, er mwyn hyrwyddo’r ffilmiau. Rydyn ni’n creu cynnwys megis cyfweliadau gyda thalent ac erthyglau golygyddol sy’n dwyn sylw i elfennau megis themâu neu leoliadau, y gallai fod yn ddiywybod i gynulleidfaoedd. Mae’n holl bwysig bod y ffilmiau hyn yn cyrraedd cymunedau mewn sinemâu, gan eu bod yn helpu ni i weld Cymru ar y sgrin, ac yn helpu’r byd i’n gweld ni. Gallwn archwilio ein hunaniaeth ddiwylliannol mewn ffyrdd Newydd, gan roi llais i’r rheiny sy’n adrodd straeon amrywiol, a herio canfyddiadau ystrydebol ynglŷn â Chymru.
Mae prosiect Gwnaethpwyd yng Nghymru (GYNg) Canolfan Ffilm Cymru Film Hub Wales’ yn dathlu ffilmiau sydd â chysylltiadau Cymreig. Mae’n cynnig gweithgareddau ar hyd y flwyddyn mewn partneriaeth ag arddangoswyr yng Nghymru, gan gynnwys catalog ffilmiau, sy’n gartref i dros 1000 o ffilmiau hir a byr a phodlediad Gwnaethpwyd yng Nghymru. Gall gynulleidfaoedd gael diweddariadau ynglŷn â ffilmiau Cymreig sydd ar ddod a’r cyfweliadau diweddaraf drwy ddilyn @Madeinwales_ ar y cyfryngau cymdeithasol.
Mae MIW yn bosibl diolch i gyllid gan Cymru Creadigol a Rhwydwaith Cynulleidfa Ffilmiau (FAN) BFI, yn dyfarnu cyllid gan y Loteri Genedlaethol. Mae FAN BFI yn cynnig cymorth i arddangoswyr ledled y DU i roi hwb i raglennu diwylliannol ac ymgysylltu â chynulleidfaoedd amrywiol. Yng Nghymru, caiff y gweithgarwch hwn ei arwain gan Ganolfan Ffilm Cymru, sy’n cael ei rheoli gan Chapter.
Darllenwch y datganiad i’r wasg llawn yma
- DIWEDD -
